No.28,167th Street,Tamwe Township Yangon, Yangon 11211 mm
Business English Class
Active - Business English
#ActiveEnglish မှာ တက်ခဲ့တဲ့ သင်တန်းသား ၊ သင်တန်းသူတွေ ရဲ့ တောင်းဆိုမှုကြောင့်
ဒီ Business English တန်း ကို စ ဖွင့်ဖြစ်ခဲ့တာပါ ။
ဒီ အတန်းကို ကျွန်တော် ( ကိုဇင်ဇေ ) တစ်ယောက်တည်း
အချိန်ပြည့် သင်မှာပါ ။
တစ်ပတ် မှာ ကြာသပတေး ၊ သောကြာ ( ၂ ရက် )
တက်ရောက်ရမယ့် သင်တန်းပါ ။
အချိန်ကတော့ ညနေ ( ၆း၃၀ - ၈း၀၀ ) ပါ ။
သင်တန်းကာလ ၃ လ ကြာပါမယ် ။
ဒါမှမဟုတ် တစ်ပတ်မှာ တနင်္ဂနွေ တစ်ရက်တည်း တက်ရပါမယ် ။
အချိန်က ညနေ ၅ နာရီကနေ ၇ နာရီခွဲ အထိပါ ။
သင်တန်းကာလ ၃ လ ခွဲ ကြာပါမယ် ။
❗️လောလောဆယ် အချိန် ၊ နေရာ အဆင်မပြေသေးလို့
မတက်ဖြစ်သေးလည်း
နောင် တက်ဖို့ စိတ်ဝင်စားတယ်ဆိုရင် ....
Business English နဲ့ပတ်သက်တဲ့
ဆောင်းပါးတွေ ၊ လေ့ကျင့်ခန်းတွေ
အွန်လိုင်းပေါ် တင်ပေးတဲ့အခါ ဖတ်ပြီး
လေ့လာကြည့်ချင်တယ်ဆိုရင် ...
Active English Page ရဲ့ Message Box
( https://m.me/activeenglishmyanmar ) ကို
BEL လို့ ပို့ထားပေးလိုက်ပါဗျာ ... :) ❗️
🔆
အကြမ်းဖျဉ်း Pre-intermediate Level ရှိတဲ့လူတွေ နဲ့
သင့်တော်အောင် သင်ပေးသွားမှာပါ ။
Pre-intermediate ကနေ Intermediate လောက် အထိကို
အတန်အသင့် အဆင်ပြေအောင် ဆွဲခေါ်သွားမှာပါ ။
#ActiveEnglishသင်တန်းမှာ
Level-1 ( Elementary ) အတန်းတက်ပြီးသူတွေလည်း
စိတ်ပါမယ် / တကယ် လိုက်လုပ်မယ်ဆိုရင် အဆင်ပြေမှာပါ ။
♦️
ဒီ Business English တန်းမှာ
အဓိက ပါဝင်မယ့် အကြောင်းအရာတွေက တော့ ဒါတွေပါ ။
၁။ ကိုယ့် အလုပ် နဲ့ တာဝန်ယူထားတဲ့ အပိုင်းတွေ
အကြောင်း မိတ်ဆက် ဆွေးနွေးပြောဆိုတာတွေ
< Job information >
၂။ လုပ်ငန်း တစ်ခုကိုသွားလည်ရင် / သူတို့က လာလည်ရင်
မေးရ ဖြေရလေ့ရှိတာတွေ
< Company Visit >
၃။ ဖုန်းနဲ့ ဆက်သွယ် ပြောဆိုတဲ့ အခါ
ဖုန်းခေါ်တာ / လက်ခံတာ / လွှဲပေးတာ /
အမှာစကားချန်တာတွေ
< Telephoning >
၄။ ကိုယ့်ရဲ့ စိတ်ကူး / အစီအစဉ်တွေကို
လူအများရှေ့မှာ ပြောဆို တင်ဆက်ရာမှာ သုံးနှုန်းရမယ့် အသုံးအနှုန်းတွေ
< Presentations >
၅။ အစည်းအတွေး တွေ လုပ်တဲ့ အခါ စတင် ဆွေးနွေးပုံ / ဖြည့်စွက် ဆွေးနွေးပုံ /
အမြင်မတူတာကို ယဉ်ယဉ်ကျေးကျေး ဆွေးနွေးပုံတွေ
< Meetings >
၆။ သာမန် မိတ်ဖြစ်ဆွေဖြစ် ပေါ့ပေါ့ပါးပါး ပြောဆိုတာတွေ /
မိတ်ဆွေဖွဲ့ အဆက်အသွယ် တည်ဆောက်တာတွေ
< Socializing / Networking >
၇။ အလုပ် ကိစ္စ ခရီးသွားတဲ့အခါ
သုံးနှုန်းပြောဆိုရမယ့် အသုံးအနှုန်းတွေ
၈။ အလုပ် ကိစ္စ ကို စာနဲ့ /
Email နဲ့ အပြန်အလှန် ဆက်သွယ်ရာမှာ
သုံးရမယ့် အသုံးအနှုန်းတွေ <<<
စတာတွေကို ဦးစားပေး သင်ကြား လေ့ကျင့် ပေးသွားမှာပါ ။
နောက်ပြီး ကိုယ်ပိုင် စီးပွားရေး လုပ်ရာမှာ
အရေးကြီးတယ်လို့ ယူဆရတဲ့
- Entrepreneur နဲ့ Small Business Owner ရဲ့ ကွာခြားချက်တွေ ( အားသာချက် ၊ အားနည်းချက်တွေ )
- Company နဲ့ Start-up ကွာခြားချက်တွေ
( အားသာချက် ၊ အားနည်းချက်တွေ )
- Business Plan နဲ့ Business Model ရဲ့ ကွာခြားချက် ( အားသာချက် ၊ အားနည်းချက်တွေ )
- Traditional Marketing နဲ့ Digital Marketing ရဲ့
ကွာခြားချက် ( အားသာချက် ၊ အားနည်းချက်တွေ )
- Digital Marketing / Online Marketing /
Social Media Marketing /
Facebook Marketing တွေ လုပ်ပြီဆိုတာနဲ့
မသိမဖြစ်သိရတော့မယ့် ဝေါဟာရ အသုံးအနှုန်းတွေ
- စိတ်ဝင်စားဖို့ကောင်းတဲ့ Leadership ဟန်တွေ
- ဆုံးဖြတ်ချက်ချရာမှာ ပိုပြီး ထိရောက်မှန်ကန်အောင်
အသုံးပြုနိုင်တဲ့
Decision Making Tools တွေ ကိုလည်း ဖြည့်စွက် ဆွေးနွေးပေးသွားမှာပါ ။
( အင်္ဂလိပ် ဘာသာစကားကို အဓိကထားသင်ရမှာ ဖြစ်လို့
စီးပွားရေး အကြောင်း သီးသန့် သင်တာလောက်တော့
ပြည့်စုံမှာ မဟုတ်ပေမယ့်
အဓိက အရေးကြီးတာတွေ ခြုံမိအောင် ဆွေးနွေးပေးတဲ့ သဘောပါ ။ )
❗️အရေးကြီးတာလေး ပြောချင်တာ တစ်ခု ရှိပါတယ် ။
ကျွန်တော်က စာအုပ် တစ်အုပ်တည်း ကိုင်ပြီး
သင်ရိုးထဲက အတိုင်း
စာ ဆန်ဆန်ကြီး သွားမှာ မဟုတ်ပါဘူး ။
သင်ချင်သလို လျှောက်သင်မှာပါ ။
ပြန် ပြောပါမယ် ။
သင်ချင်သလို လျှောက်သင်မှာပါ ။
Cambridge University က ထုတ်တဲ့ သင်ရိုး ကနေ ယူပြီး သင်ပေးတာတွေ ရှိမယ် ။
Longman ကနေ ယူတာတွေလည်း ရှိမယ် ။
တခြား တက္ကသိုလ်တွေက ဟာတွေကို
ကျွန်တော် ကြိုက်ရင် ကြိုက်သလို ယူသုံးတာတွေရှိမယ် ။
ကျွန်တော် နားထောင်ပြီး ကြိုက်လို့
ပြန်သိစေချင်တဲ့ ဟောပြောပွဲတွေလည်း ပါရင်ပါမယ် ။
ကျွန်တော် တက်နေတဲ့ Online သင်တန်းတွေက
သင်ခန်းစာတွလည်း ပါရင်ပါမယ် ။
စသဖြင့်ပေါ့ ။
ကျွန်တော် သင်ချင် / သိစေချင်တာတွေကို
ဒီ သင်တန်း လာတက်တဲ့ သင်တန်းသားတွေရဲ့
အခြေအနေပေါ် မူတည်ပြီး
လိုတိုး ပိုလျှော့ အဆင်ပြေသလို လျှောက်သင်မှာပါ ။
ဒီတော့ ကျွန်တော် လျှောက်သင်မှာကို
ယုံကြည်တဲ့လူတွေကိုပဲ
ဒီ သင်တန်းမှာ လက်ခံ သင်ကြားပေးသွားမှာပါ ။
- ကျွန်တော့် #ActiveEnglish သင်တန်းက သင်တန်းသား / သင်တန်းသူ ဟောင်းတွေ
- ကျွန်တော် အပြင်မှာ စာသင်ပေးခဲ့ ဖူးသူတွေ
- ကျွန်တော့် ဟောပြောဆွေးနွေးပွဲ တစ်ချို့ တက်ဖူးသူတွေ
- ကျွန်တော့် စာတွေ သေချာ ဖတ်ဖူးသူတွေ စတဲ့ ...
ကျွန်တော့် အကြောင်း အတန် အသင့် သိပြီးသားလူတွေကိုပဲ
ဒီ #BusinessEnglish သင်တန်းမှာ လက်ခံ သင်ကြားပေးသွားမှာပါ ။
ကြီးကျယ်တာ မဟုတ်ပါဘူး ။
ကျွန်တော့် ဟန်နဲ့ မကိုက်ရင် လာတက်မိတဲ့ လူတွေ
အချိန်ကုန် ၊ ငွေကုန် ဖြစ်နိုင်သလို
သင်တန်းထဲမှာ ကျွန်တော် လိုချင်တဲ့ ပုံစံထဲ ဆွဲသွင်းလို့ မရရင်
အတန်း တစ်ခုလုံးက ဒီ ၂ ယောက် / ၃ ယောက် လောက်နဲ့ ထောင့်နေမှာ စိုးလို့ပါ ။
( ဒီ #BusinessEnglish သင်တန်းက
သာမန် #GeneralEnglish သင်တန်းတွေထက်ကို
အချင်းချင်း စည်းစည်းလုံးလုံး အပေးအယူမျှဖို့
သိပ် အရေးကြီးပါမယ် ။
အချင်းချင်း လေးလေးစားစား
ခင်ခင်မင်မင် ဆက်ဆံနိုင်စွမ်း ရှိရပါမယ် ။
ကိုယ်နဲ့ စကားတွဲပြောရတဲ့လူက ကိုယ့်ထက်
နည်းနည်း အားနည်းနေတာမျိုးရှိရင်တောင်
စိတ်ရှည်ရှည် နွေးနွေးထွေးထွေးနဲ့ တွဲခေါ်သွားချင်တဲ့ စိတ်မျိုး ရှိနေဖို့လည်း လိုပါတယ် ။
လူတွေကြားထဲ ဘယ်သူ့မှ ဂရုမစိုက်ဘူး ။
ဘယ်သူနဲ့မှ ခင်ခင်မင်မင် နေစရာမလိုဘူးဆိုတဲ့ ပုံစံမျိုးနဲ့
နေတတ်တဲ့လူမျိုးတွေ မပါလာဖို့ လိုပါတယ် ။
#AppliedEnglish တစ်ချို့ အတန်းတွေမှာ
အဲ့လိုလူတစ်ချို့ ပါလာတာ
ကျွန်တော် တွေ့နေရတာ
စိတ် အနှောင့်အယှက် ဖြစ်လွန်းလို့ပါ ။
တစ်ချို့ကိုဆို ကျွန်တော် ခေါ်ပြောပြီး
သင်တန်းကြေးပါ ပြန်အမ်းပေးလိုက်တာပါ ။
ဆရာ ကိုဇင်ဇေက အပေါက်ဆိုးတယ် ဆိုတာမျိုး ဖြစ်မှာစိုးလို့ တတ်နိုင်သလောက် ထိမ်းနေပေမယ့်
ကျွန်တော် စာသင်တဲ့ အတန်းထဲမှာ
အဲ့လိုလူတွေ ပါလာတာ ကျွန်တော် လုံးဝ မကြိုက်ပါ ။
ကျွန်တော်က စာသင်ပြီဆိုရင် သင်တန်းသား အားလုံး မျက်နှာကို လိုက်ဖတ်ပြီး သင်ချင်တာပါ ။
အဲ့လိုလူ ပါလာတဲ့ အတန်းမျိုးဆို
အဲ့ တစ်ယောက်ကို မကြည့်မိအောင် ထိမ်းနေရရင်း
တခြား သူတွေ အပေါ်မှာပါ ကျွန်တော် စိတ်ပါလက်ပါ
ဆွေးနွေးသင်ကြားပေးချင်စိတ်
ကျသွားတတ်တာမျိုးဖြစ်တတ်လို့
မနည်း ကိုယ့်စိတ်ကိုယ် ပြန် သတိထားနေတတ်လို့ပါ ။
ဒါ ကျွန်တော် ပွင့်ပွင့်လင်းလင်း ပြောပြတာပါ ။
ကျွန်တော် စာသင်နေတာ
ပိုက်ဆံလိုချင်ရုံ သက်သက် အတွက် မဟုတ်ပါဘူး ။
လူတွေကို ကိုယ်တတ်နိုင်တဲ့ ဘက်က
ကူညီပေးချင်စိတ်လည်း ပါပါတယ် ။
အဲ့စိတ် ထည့်ပြီး သင်နိုင်နေတဲ့ အခါ
သာမန် အချိန်တွေထက်ကို သင်ကြားရေးမှာ
အများကြီး ပိုပြီး ပိုထိရောက်မှာပါ ။
ဒါကြောင့် သင်တန်းလာအပ်သူတိုင်းကိုလည်း
သင်တန်းကြေးပေးမယ်ဆိုတိုင်း သင်တန်းအပ် လက်မခံဖို့
ကျွန်တော် Reception ကို မှာထားပြီးသားပါ ။
အတန်းထဲမှာ အဆင်ပြေလောက်မယ်ထင်တဲ့ လူကိုပဲ လက်ခံပေးမှာပါ ။
သင်တန်း အပ် လက်မခံလို့လည်း စိတ်မဆိုးပါနဲ့ ။
မိတ်ဆွေရဲ့ ပြုမူပြောဆို ဆက်ဆံပုံနဲ့
ဒီ သင်တန်းနဲ့ မကိုက်မှာစိုးလို့ ဖြစ်နိုင်သလို /
မိတ်ဆွေကို ဒီ သင်တန်း တက်စရာမလိုလောက်အောင်
တော်ပြီးသိပြီးတတ်ပြီးသားလူလို့ ယူဆလို့
လက်မခံတာမျိုးလည်း ဖြစ်ရင်ဖြစ်မှာပါ ။
ဒီ #BusinessEnglish တန်း ကို
ကျွန်တော်ကိုယ်တိုင် ပေါ့ပေါ့ပါးပါးနဲ့
တစ်တန်းလုံးလည်း စိတ်အေးအေးချမ်းချမ်း
နွေးနွေးထွေးထွေးရှိမယ့်
ပုံစံမျိုး မဖြစ်ဖြစ်အောင် ပုံစံသွင်းသွားချင်လို့ပါ ။
သင်တန်းကြေးကလည်း
#GeneralEnglish ( #AppliedEnglish ) တုန်းက
၅ သောင်းခွဲပဲ ဆိုပေမယ့်
အခု #BusinessEnglish က ၁ သိန်း ဆိုတော့
တစ်ချို့လူတွေ အတွက် နည်းနည်း များနေမှာ စိုးလို့ပါ ။
တခြား အတန်းတွေမှာ လို
ကျွန်တော်နဲ့ တခြား ဆရာတစ်ယောက်
အချိန်မျှဝင်မှာ မဟုတ်ပဲ
ကျွန်တော် တစ်ယောက်တည်း သေချာ ဖိဖိစီးစီး သင်ပေးသွားမှာမို့လို့
- စာအုပ်စာတမ်း / အသံဖိုင် / ဗီဒီယိုဖိုင် /
- Softwares , Mobile Apps တွေ /
- Ebooks , Seminars တွေ သေချာ စီစဉ်ပေးရမှာမို့လို့
သင်တန်းကြေးကို ၁ သိန်း ယူထားရတာပါ ။
သင်တန်းသားဟောင်းတွေ /
ကျွန်တော်နဲ့ ရင်းနှီးပြီးသားသူတွေထဲက
ဒီ သင်တန်းကို တက်ချင်ပေမယ့်
ငွေရေးကြေးရေး သိပ် အဆင်မပြေသေးရင်လည်း
အားမနာပါနဲ့ ။
ကျွန်တော့်ကို Message Box ကနေ ကိုယ့် အခြေအနေ အရ
တတ်နိုင်သလောက်ကို ပြောပြပြီး လာ တိုင်ပင်ပါ ။
တကယ် ပညာ လိုချင်တဲ့လူတွေ ပညာနဲ့ မဝေးအောင်တော့
ကျွန်တော် အတတ်နိုင်ဆုံး စီစဉ်ပေးနေကြဆိုတာ သိမှာပါ ။
တကယ် ပညာ လိုချင်ပေမယ့်
လတ်တလော အဆင်မပြေသေးဘူးဆိုရင်
ဒီ သင်တန်း တက်ပြီး
ကိုယ့် လုပ်ငန်း ကိုင်ငန်းတွေ အဆင်ပြေမှ
သင်တန်းကြေး ပြန် လာပေးရင်တောင် ရပါတယ်ဗျာ ။
🙂
အားလုံးပဲ အင်္ဂလိပ် ဘာသာစကား အရံအတားကို ကျော်လွှားနိုင်ကြပါစေ ။
အင်္ဂလိပ် ဘာသာစကားလေ့လာနေရင်း
အသိပညာနဲ့ အခွင့်အလမ်းကောင်းတွေ
ရယူပိုင်ဆောင်နိုင်ပါစေဗျာ ။
🙂
စေတနာဖြင့်
#ကိုဇင်ဇေ
#ActiveEnglishသင်တန်း
Phone: 09 26100 8186 / 09 4311 5202 /
09 25000 5174
အမှတ် ၂၈ ၊ ၁၆၇ လမ်း ၊ တာမွေမြို့နယ် ။
Classes
Applied English ( Speaking & Listening )
Applied English ( Speaking & Listening )
Applied English ( Speaking & Listening )
အင်္ဂလိပ် ဘာသာစကားစွမ်းရည်တင်မက
ကိုယ်ရည်ကိုယ်သွေးတိုးတက်ရေးဆိုင်ရာ
ဗဟုသုတတွေကိုပါ ပေါင်းစပ်သင်ကြားပေးနေတဲ့ ၊
Listening နဲ့ Speaking ကို
ဦးစားပေး လေ့လာလိုသူများအတွက်
☆ Applied English Class ☆
Business English
Applied English ( Speaking & Listening )
Applied English ( Speaking & Listening )
အင်္ဂလိပ်စာတင်မက ပြင်ပ
စီးပွားရေး ဗဟုသုတတွေ ၊
ဟောပြောပွဲတွေကိုပါ ထည့်သွင်းသင်ကြားပေးနေတဲ့ ...
စီးပွားရေး လုပ်ငန်းသုံး အကြောင်းအရာ
ဆယ်မျိုးကို ဦးစားပေး သင်ကြားပေးသွားမယ့်
Business English Class
Young Learners Class
Applied English ( Speaking & Listening )
Grammar Foundation Class
မိမိရင်သွေးကို
ငယ်ငယ်ရွယ်ရွယ် ကတည်းက
အခြေခိုင်ခိုင် ယုံကြည်မှုရှိရှိနဲ့
အင်္ဂလိပ်စာနဲ့ ပတ်သက်ပြီး
အခက်အခဲ မရှိစေလိုတဲ့
မိဘများအတွက်
"Young Learners Class"
Grammar Foundation Class
Active grammar - online class
Grammar Foundation Class
သဒါ္ဒ အခြေခံ အားနည်းလွန်းသူတွေ
အဆင်ပြေစေဖို့ အတွက်
အခြေခံ မသိမဖြစ် အသုံးအဝင်ဆုံး
စည်းမျဉ်းစည်းကမ်းတွေကို
ခွဲထုတ်ပြီး အသေးစိတ်
အထပ်ထပ် လေ့ကျင့် သင်ကြားပေးနိုင်ဖို့
ရည်ရွယ်ပြီး ဖွင့်လှစ်ထားတဲ့
Grammar Foundation Course
Active grammar - online class
Active grammar - online class
Active grammar - online class
အပြင်မှာ သင်တန်းလာတက်ဖို့
အချိန် ၊ နေရာ အဆင်မပြေသူများ
အဆင်ပြေစေဖို့ အတွက်
အခြေခံ မသိမဖြစ် အသုံးအဝင်ဆုံး
သဒ္ဒါ စည်းမျဉ်းစည်းကမ်းတွေကို
ခွဲထုတ်ပြီး အသေးစိတ်
အထပ်ထပ် လေ့ကျင့် သင်ကြားပေးနိုင်ဖို့
ရည်ရွယ်ပြီး ဖွင့်လှစ်ထားတဲ့
Active Grammar - Online Class
Mobile app - Book - Download
Active grammar - online class
Active grammar - online class
သင်တန်းမတက်ဖြစ်သေးရင်တောင်
တကယ် စိတ်အားထက်သန်မှုရှိတဲ့
လေ့လာလိုသူတွေအတွက်
စေတနာနဲ့ အခမဲ့ ဖြန့်ချီပေးထားတဲ့ /
Video သင်ခန်းစာတွေ ၊ လေ့ကျင့်ခန်းတွေ ပါဝင်တဲ့
အင်္ဂလိပ်ဘာသာစကားလေ့လာရေး
အထောက်အကူပြု
Mobile Application နဲ့ စာအုပ်